Monday, February 25, 2013

දයාබර නඳුන් සොහොයුර..



මේ ලෝකෙ හරි අමුතුයි..මිනීමරුවො,පාදඩයො,දූශකයො වගේ මැරෙන්න වටින මිනිස්සු අනන්තවත් ඉන්න මේ ලෝකෙ ඉක්මනටම දාලා යන්න වෙන්නෙ රත්තරන් හදවත් තියෙන,රටට ලෝකෙට වැඩක් කරන්න ඉන්න,හැමතිස්සෙම අනුන් ගැන හිතල වැඩ කරන මිනිස්සුන්ට..
ඔව්..මම මේ කියන්න හදන්නෙ ඉක්මනටම අපෙන් උදුරගත්ත,තවත් කාලයක් අපි අතරම ඉන්න තිබ්බ මනුස්සයෙක් ගැන..
මස්කෙළිය ඔය බිලිගත්ත මිනිස් ජීවිත ලැයිස්තුවට එකතු වෙච්ච අපි අතර හිටිය අපේම සහෝදරයෙක් ගැන..
අයියෙ..අපි ඔයාව දැනගත්තෙ ලඟදි බව ඇත්ත..නමුත් අනික් අයගෙ හිත් ඇතුලෙ ඔයා ගැන තිබ්බ ආකල්පවලින් අපි ඔයාගෙ වටිනාකම කොච්චරක්ද කියල දැනගත්තා..ඒක නිසා වෙන්නැති ඔයා නැති වෙච්ච පාලුව අපේ හිත්වලට මෙච්චරටම දැනුනෙ..එක පවුලක අය අපි..ඒ පවුලෙන් එක්කෙනෙක් අයින් උනාම දැනෙන දුක අපි හොඳට අත් වින්දා..ඊටත් වඩා ඔයා ඒ පවුලෙ පරණම සාමාජිකයෙක්..
මේ මට දැනිච්ච දේ..පෑනක අගින් ලියවෙන අකුරු ගොඩකට ඔයාවවත් ඔයාගෙ ඒ මතකයවත් හිර කරන්න බැරි බව මම දන්නවා..ඒත් මේක මතක සැමරුමක් විදියට හරි අපි ලඟ තියේවි කියලා විස්වාසයක් තියෙනව මට..

              දයාබර නඳුන් සොහොයුර..

සොඳුරු පෙණ කැට සමඟ නිහඬව
ගලා යන මේ නිසල ජල කඳ
හදගැස්ම ඔබෙ නිහඬ කළ බව
අදහම්ද කෙලෙසේ??

සිනා මල් දම් පැළැඳි ඔය වත
සොයුරු සෙනෙහෙන් පිරුනු හදවත
නොහමුවනු ඇත යළිදු කිසිදින
ඉවසම්ද කෙලෙසේ??

යොවුන් කෙළිලොල්කමට සිත්වී
ගිය ගමන අවසන් ගමන වී
සුවහසක් නෙත් කඳුලු ගෙනදී
සමුදෙමුද කෙලෙසේ??

මුණ නොගැසෙනා මුත් යළිත් අපි
මරණයට බැහැ මකනු සිතිවිලි
ඔබව සිහිවන හැම වරකදිම
පින් ගන්න රිසිසේ..

නඳුන් අයියේ ඔබට නිවන් සුව!!