Friday, March 29, 2013

chit එක!!


පාසල් පන්ති සටහන් මැද මසක්    ගෙවී
විසිනම දිනක් මෙලොවට වැඩ කරපු අපී
එලොවට වැඩක් කරගන්නට උනත්  රිසී
කොහෙදෝ ඉඩක් තිබුනොත් පෝයට පන්තී??

බෝ පත් වලින් හැඩ උනු පන්සල් පාර
ඒ මග අපිට පෙන්නයි නිවනට      පාර
physics උනත් අනියත බව පොදු නේද?
පෝ දින නිවාඩුව දුන්නට පිං     සර්ට!!

පතිනියකි ඇය..!!



පතිනියකි ඇය
එදා
සිරුරත පුරා රුහිරෙන් වැසී ගිය
මුකුලිතය නෙත් කුසුම්
මස් වැදලි ලේ කුණු අපුලටම
රළු පරළු වදනින්
තොර වදන් නෑසුනු සවන් යුග
පතිනියකි ඇය
තවමත්
පතන
තිමිර තිර පටලෙන් වැසුණු ලොව
ඉරා කඩතුරාවෙන් අරුණළු දකින්නට
බියෙන් බර හද ගැහෙන වේගය
එක් රිද්මයකට ලඝු කරන්නට
මතකද??
දිවිදුන්හ සුවහසක්
දකින්නට ඇගෙ සොඳුරු මදහස!
බලවු..
අද ඇගේ ඔසරිපොට පිරිසිදුය
දෑත ඇඳි මරතෝඩි සිරිබර
නළලතේ තිලකය
දෙතොල් අග රැඳි සොඳුරු සිනහව
ඇයයි සිරිකත!
ඇයයි පතිනිය!
දෙපා සිඹ වැඳ,
නගමු ලක්මව!!